Knitted

Peysa - Gina Tricot / Sokkabuxur - H&M / Skór - BikBok

Elskaelskaelska þessa peysu! Hún er extra víð, þykk og svo óendanlega hlý. Fullkomin í haust. Svo elska ég detailin á bakinu, það gerir svo mikið fyrir hana.

Ég er líka soldið skotin í þessum skóm. Var búin að sjá þá inná síðunni hjá BikBok og þegar ég mætti svo í búðina út í Köben að þá biðu þeir þar eftir mér, eitt par eftir í minni stærð. Svo auðvitað fengu þeir að fylgja mér heim.
BikBok er í nýju uppáhaldi hjá mér. Sérstaklega líka þar sem ég fékk svo æðislega þjónustu þar. Ég hefði viljað versla meira þarna bara af því þjónustan var svo frábær. Ég tók líka eftir því hvað þjónustan er yfir höfuð góð í búðunum í Köben. Það er tekið á móti manni með bros á vör, starfsfólkið sýnir manni áhuga og allir kvöddu með að segja 'Have a nice day!'. Íslenskt starfsfólk mætti alveg taka sér þetta til fyrirmyndar, væri gaman að fá svona viðmót í öllum verslunum.

Annars ætla ég bara að eyða þessum kalda degi í kósýheit. Fagna því að vera komin 25 vikur með því að skella mér í nudd og fara svo og hitta nokkrar sætar janúarbumbulínur í kvöld. Aldrei að vita nema að ég baki smá fyrir kvöldið. Hver veit!

Eigið frábæran fimmtudag!

Facebook  Bloglovin

Instagram @ sarahilmars

Anna Dello Russo for H&M

Línan sem Anna Dello Russo hannaði fyrir H&M kemur í búðir á morgun!
Það er svoo mikið af flottu skarti þarna sem ég væri sko alveg til í að eiga.. Bláu eyrnalokkarnir og snákaarmböndin eru í uppáhaldi.
Ætlið þið að reyna að næla ykkur í eitthvað úr línunni?

Facebook  Bloglovin

Instagram @ sarahilmars

Army style

Jakki - Imperial / Buxur, Bolur&Trefill - Gina Tricot

Brrr hvað það er kalt í dag! Þessi kósý hringtrefill (sem er með hettu líka!) frá Ginu er búinn að bjarga mér í kuldanum síðustu vikurnar.
Ég fattaði það ekki fyrr en ég byrjaði að skrifa þessa færslu að ég er soldið eins og gangandi auglýsing fyrir Ginu Tricot í dag. Ég missti mig soldið út í Köben og það voru þó nokkrar flíkurnar sem fengu að fylgja mér heim úr Ginu. Fannst mikið meira spennandi þar heldur en í H&M. Þessi hermannabolur er akkurat í miklu uppáhaldi þessa dagana en mig er lengi búið að langa í eitthvað í slíku munstri. Buxurnar eru svo ótrúlega þægilegar, mitt á milli þess að vera buxur og leggings. Þær eru með rennilásum neðst á skálmunum, eins og sést glitta í á myndinni, sem mér finnst gera helling fyrir þær.

Eigið góðan dag elskurnar!

Facebook  Bloglovin

Instagram @ sarahilmars

Lindex x Missoni

Í morgun var Missoni lína Lindex kynnt með flottum morgunmat í verslun Lindex í Smáralind. Partýið byrjaði klukkan 9.30 og var þá strax mikið af fólki mætt. Mér finnst margt flott í þessari línu en því miður var ekki mikið af því sem var sérlega óléttubumbuvænt. Ég leyfði mér þó að splæsa í þessu geðveiku peysu sem mér finnst ofboðslega klassísk og ég veit að ég mun nota mikið, ásamt einu fínu armbandi.
Barnalínan er mjög skemmtileg og ég stóðst ekki mátið og keypti þessa æðislegu samfellu fyrir litla bumbukrílið.

Lindex fær alveg 10 í einkunn frá mér fyrir flottan viðburð og frábæra þjónustu. Fyrstu viðskiptavinirnir fengu líka svona fallegt bleikt armband að gjöf, enda er þessi lína til styrktar baráttunni gegn brjóstakrabbameini. Væri gaman að sjá oftar svona skemmtilega viðburði hjá verslunum hér á landi. 

Facebook  Bloglovin

Instagram @ sarahilmars

New in: Shoes

Nina Snake Shoes - BikBok

Sheila Shoe - Monki

Keypti þessar tvær elskur út í Köben. Ég elska snákamunstrið á þessum frá BikBok og að þessir frá Monki skiptast í bæði leður og rússkinn. Og bæði pörin eru sjúklega þægileg!
Ólétta konan er ekki að hata það að lágir hælar og flatbotna skór séu í tísku núna.. 15cm hælarnir eru bara ekki alveg inn í myndinni eins og stendur! Þeir fara inn í geymslu fram í janúar ;)

Facebook  Bloglovin

Instagram @ sarahilmars

Missoni - Lindex

Þriðjudaginn næsta, 25.september, mun Lindex halda sérstakan morgunverð í verslun sinni í Smáralind í tilefni af því að Missoni - Lindex línan kemur í verslunina þann daginn. 

Ég hef alltaf heillast að þessu klassíska Missoni munstri og það er gaman að sjá hvað línan höfðar til breiðs aldurshóps. Mér finnst skyrtan hérna að ofan æðisleg og svo væri ég rosalega til í eitthvað á litla krílið líka. Svo er ekki verra að 10% af söluandvirði línunnar rennur til styrktar baráttunni við brjóstakrabbamein!

Morgunverðurinn verður klukkan 9.30 í verslun Lindex í Smáralind. Ég hvet allt tískuáhugafólk, sem og aðra að mæta og styrkja gott málefni :)

Facebook  Bloglovin

Instagram @ sarahilmars

Kóngsins Köben

Smá Instagram frá Köben. Þið getið smellt á myndirnar til að sjá þær stærri.

Átti svo æðislega daga þarna úti. Fengum frábært veður og náðum bæði að versla og skoða helling.
Fann lítið sem heillaði í H&M (þó að það hefði eflaust verið önnur saga ef ég væri ekki ólétt með of stóra bumbu fyrir öll fínu fötin þarna..) en Gina Tricot stóð svo sannarlega fyrir sínu. Svo fékk auðvitað litla bumbukrúttið smá föt líka og pabbinn fékk að halda á öllum pokunum ;)

Ég mun svo á næstu dögum sína ykkur það sem ég keypti úti. Annars getiði séð smá preview af því í Fréttablaðinu í dag!

Facebook  Bloglovin

Instagram @ sarahilmars