Friday, November 30, 2012

Varalitagleði


Ég elska varalitina frá Golden Rose. Þetta er frekar ódýrt merki en varalitirnir frá þeim eru æði! Ég keypti mér einn fyrir norðan í fyrra, algjört impulse buy, en hann endaði með að verða minn allra uppáhalds varalitur. 
Ég var búin að ákveða að kaupa mér rauðan varalit frá þeim þar sem ég er á leiðinni á jólahlaðborð í kvöld. Ég var svo stödd í heildsölunni S. Gunnbjörnsson í gær og sá að þeir eru akkurat með Golden Rose vörurnar. Svo ég var ekki lengi að pikka upp einn rauðan og flottan.. og ekki verra að fá hann á heildsöluverði!

Þessi er númer 48, það er smá orange í honum sem mér finnst gera svo fallega rauðan lit. Hann er ekki of glansandi sem mér finnst plús því ég vil hafa varalitina mína frekar matta.
Ég prófaði hann aðeins í gær og first impression var mjög gott! Hlakka til að nota hann í kvöld og sjá hversu lengi hann endist. En sá sem ég keypti í fyrra endist alveg endalaust á manni, svo ég vona að þessi sé eins.

Eigið góða helgi elskurnar!

Sunday, November 25, 2012

Fallegar kápur

 H&M

Ég er alveg sjúk í fallegar kápur þessa dagana. Það er eitthvað svo kvennlegt og klassískt við vel sniðnar kápur. Svo eru þær auðvitað mjög góðar í kuldanum sem ríkir þessa dagana, sem er alls ekki verra. Það er einmitt ekkert smart við það að vera illa klæddur og blár af kulda í frostinu! Það er líka svo létt að finna fallegan OG hlýjan fatnað.
Hér eru nokkrar kápur sem að ég væri alveg til í að eiga inn í skáp.

H&M


 BikBok


 Topshop

 Topshop


Jólin og náttúran


Okei þetta er í síðasta sinn sem ég pósta myndum af þessu litla jólahorni hjá mér enda kláraði ég það í dag. En þið sem hafið verið að fylgja mér á Instagram hafið fengið að sjá ófáar myndirnar af því hvernig þetta horn hefur þróast hjá mér. 
Við fundum þessa fínu grein út í bílsskúr og ég vissi strax hvað ég gæti notað hana í. Skellti henni upp á vegg með smá snæri og hengdi svona fínt jólaskraut á hana og voilá! Er hún ekki bara fín? :)
Stjarnan og jólatréð er jólatrésskraut úr Ilvu og hjartað var gjöf frá mömmu, keypt í Evítu á Selfossi. Það er ekkert endilega neitt jóla, en fannst það koma vel þarna út. Sammála?

Í vikunni mun ég svo fara í það að klára að skreyta. Ég er eiginlega vandræðanlega spennt fyrir því, enda jólabarn í húð og hár! Þetta er klárlega besti tími ársins :)

Saturday, November 24, 2012

Fyrsta jólagjöfin

Hafiði lent í því að fara inn í verslun, sjá eitthvað fallegt.. og það næsta sem þið vitið að þá eruð þið á leiðinni út með flíkina í poka? Það gerðist fyrir mig í dag. Ég kíkti í sakleysi mínu inn á H&M og sá að það var útsala í gangi. Sá þar ótrúlega fallega kápu sem ég hafði séð áður en fundist hún þá vera of dýr. Hún var núna komin á útsölu á litlar 4000kr. Það næsta sem ég veit er ég búin að borga og staðfesta pöntunina. Veit ekki alveg hvað gerðist þarna á milli..
En ég blikkaði kæró aðeins og ég fæ kápuna í jólagjöf! Mikið er ég ánægð :) Get ekki beðið eftir að fá hana í hendurnar og máta.. vonandi passar hún bara!

Er hún ekki falleg? Ég er einmitt búin að vera að leita að svona klassískri og fallegri kápu og þessi fellur sko alveg undir þá lýsingu!

Tók líka þennan fína hringtrefil. 1000 kall! Ekki slæmt það.

P.S. Var að skella inn nokkrum flíkum til sölu inn á facebook. Endilega tjékkið á því!

Thursday, November 22, 2012

DIY


Þegar kom að því að kaupa skiptiborð fyrir bumba að þá var ég með mjög nákvæma mynd af því í huganum. Ég vissi upp á hár hvernig ég vildi hafa það. Svo þá hófst leitin mikla sem bar ekki góðan árangur, bara engan! Eftir að hafa skoðað allar hugsanlega húsgagnaverslanir landsins og meira að segja erlendis að þá gafst ég upp og fór inn á barnaland. Ég var ekki búin að leita lengi þegar ég fann þessa gersemi. Í fullkomnu ásigkomulagi og NÁKVÆMLEGA eins og það sem ég var búin að ganga um með í kollinum! Fyrir 15þ kall fengum við því drauma skiptborðið. Liturinn var þó ekki alveg eins og húsfreyjan vildi svo þá var kallinn settur í að pússa það allt upp og mála hvítt. Í gærkvöldi var það svo loksins tilbúið og þá tók ég mig til og pússaði það aðeins upp aftur til að fá svona gamaldags áferð á það, eins og sést á myndinni til hægri.
Ég hreinilega gæti ekki verið ánægðari með það. Þá er bara eftir að þvo öll þessu krúttlegu litlu föt og koma þeim fyrir á nýja heimili sínu!

Og þar sem að ég var dottin í DIY gírinn að þá tók ég mig til og hófst handa við smá jólaföndur. Keypti tréstafi og málaði. Fyrst með dökkum lit undir og svo yfir með hvítum. Síðan voru herlegheitin pússuð til að fá dökka litinn aðeins í gegn og útkoman var bara alls ekki svo slæm! Ég er því komin með smá jólahorn hérna heima.. má það ekki alveg? Svona aaaðeins til að svala jólaskreitingarþörfinni ;)


Wednesday, November 21, 2012

Moss

Moss by Harpa Einars

Nýja línan sem Harpa Einars hannaði fyrir Galleri Sautján kemur í búðir á morgun. Þessi print eru vægast sagt tryllt! Mæli með því að þið kíkið við í Kringlunni eða Smáralind og nælið ykkur í þessa flottu íslensku hönnun.


Sunday, November 18, 2012

Helgin mín


Svona eiga sunnudagar að vera. Smákökur og ísköld mjólk. Gerist ekki betra!
Búin að eiga voða kósý helgi með kæró. Göngutúr í snjónum, bakstur, barnafötin flokkuð og unnið í barnaherberginu.


31v+3d. Litlir tveir mánuðir til stefnu og spennan magnast! Barnaherbergið er smám saman að taka á sig mynd. Erum búin að setja rimlarúmið upp og svo er verið að vinna í því að mála fallega skiptiborðið/kommóðuna sem ég fékk á slikk á bland.is. Kraftaverkin sem smá málning getur gert!


Fallega heimferðasettið sem bumbi fær :) Mjög hlutlaust þar sem við vitum ekki kynið.
Það styttist heldur betur í þetta en samt er þetta enn frekar óraunverulegt. Það er soldið skrítið að halda á þessum pínkulitlu fötum og reyna að ímynda sér litla krílið sem sparkar í mann í þeim :)
Lífið er ljúft!


Vona að allir hafi átt frábæra helgi.


Thursday, November 15, 2012

Nowhere


Ég elska fatalínuna hennar Elin Kling, Nowhere. Hún sýnir svo vel þennan klassíska skandinavíska stíl sem Elin sjálf er þekkt fyrir. Tímalausar flíkur sem eru á sama tíma þægilegar og trés chic!
Hér eru nokkrar af mínum uppáhalds flíkum úr haust og vetrarlínunni.


Wednesday, November 14, 2012

Kósý miðvikudagur


Það er búið að vera svo mikið kúruveður í dag og þá er tilvalið að gera aðeins vel við sig.
Það var voða gott að kúra sér upp í sófa með heitan kaffibolla, uppáhalds súkkulaðið mitt og jólablað Hús og Hibýla. Ég kveikti svo á yndislega ilmkertinu mínu frá SIA sem ég fékk í innfluttningsgjöf og er með þessari líka ekta jólalykt. Nokkur jólalög fengu meira að segja að vera með. Það má alveg í nóvember er það ekki?
Í kvöld ætlum við svo að vinna aðeins í barnaherberginu. Skella saman rimlarúminu og gera fínt fyrir komu erfingjans. Ekki slæmt kvöld það :)

Vona að dagurinn hafi verið jafn góður hjá ykkur!

Tuesday, November 13, 2012

Kjólarkjólarkjólar

Nú eru jóla og áramóta fötin að detta inn í búðirnar og þó að ég sé búin að versla mér jólakjólinn að þá er samt voða gaman að skoða alla þessa fallegu kjóla og láta sig dreyma. Ég elska glamúrinn sem fylgir tískunni um hátíðarnar, pallíettur, glimmer, metallics og aðrir fallegir litir.
Ég datt inn á síðuna hjá Ginu Tricot áðan og hún klikkar sko ekki þegar það kemur að flottum kjólum.
Blái velúr kjólinn er í sérstöku uppáhaldi, væri sko alveg til í hann á áramótunum!

Fullkominn fyrir áramótapartýið!

Instagram @ sarahilmars

Monday, November 12, 2012

Jóladressið

Ég hef sko heldur betur komist að því að það er hægara sagt en gert að finna jólakjól utan um eitt stykki óléttubumbu. Eftir að hafa þrætt allar þessar helstu búðir á netinu án árangurs var ég farin að örvænta og var orðin soldið hrædd um að þurfa að panta jólakjólinn hjá Seglagerðinni!
En svo var það í gær að ég ákvað að fara enn eina ferðina í gegnum H&M síðuna og mér til mikillar gleði voru þeir nýbúnir að setja inn fullt af nýjum og fallegum hátíðarflíkum, þar á meðal nokkra gordjöss kjóla.


Ég valdi mjög klassíska og einfalda kjóla úr góðu teygjanlegu efni. Svarti er mjög sparilegur en gengur samt við ýmis tækifæri. Þennan bleika hafði ég hugsað mér að nota á milli jóla og nýars, í jólaboð og svona og held að hálsmenið sé ótrúlega flott við hann. Hann er mjög einfaldur en þá er líka svo létt að poppa hann upp með flottu skarti.
Núna er bara að vona að þetta passi!


Instagram @ sarahilmars

Wednesday, November 7, 2012

Haustlegir varalitir

Topshop lips in wicked - burgundy litur

Það er eiginlega skammarlegt hvað það er langt síðan að ég bloggaði síðast. Ef það er einhver sem kemur ennþá hingað inn þá segji ég bara takk!
Áhuginn hjá mér fyrir þessu bloggi hefur verið eitthvað takmarkaður síðustu misseri. Kannski þar sem að ég er hætt að vinna og þá eru ekki mörg tækifæri til að klæða sig upp og vera fín og ég efast um að þið hafið áhuga á að sjá myndir af mér í kósýfötunum með bumbuna út í loftið :) En þar sem ég hef núna ótakmarkaðan tíma fyrir þetta blogg að þá ætti ég nú kannski að reyna að dusta aðeins rykið af því og byrja að blogga aftur.. Þið eigið það nú alveg inni hjá mér fyrir að hafa fylgt mér svona lengi og verið svona æðislegir lesendur!

Þessa dagana er ég með æði fyrir dökkum varalitum. Burgundy, plómulitaðir, fjólubláir..
Það er kannski skammdeginu að kenna, ég veit það ekki, en mér finnst svona dökkir varalitir alltaf svo flottir á haustin og veturnar. Það er soldið svona gothic vibe yfir þeim sem ég fýla.
Topshop er með flott úrval af varalitum í þessum litum, einnig fann ég nokkra frá E.L.F. og Gina Tricot sem eru flottir.

Inhibitation. Dökk plómulitaður.
Beguiled. Vínlitaður.

E.L.F. Cheerful cherry. Dökk kirsuberjarauður.

Gina Tricot Pink Fever. Fjólubleikur.

Instagram @ sarahilmars


Thursday, October 4, 2012

Knitted

Peysa - Gina Tricot / Sokkabuxur - H&M / Skór - BikBok

Elskaelskaelska þessa peysu! Hún er extra víð, þykk og svo óendanlega hlý. Fullkomin í haust. Svo elska ég detailin á bakinu, það gerir svo mikið fyrir hana.

Ég er líka soldið skotin í þessum skóm. Var búin að sjá þá inná síðunni hjá BikBok og þegar ég mætti svo í búðina út í Köben að þá biðu þeir þar eftir mér, eitt par eftir í minni stærð. Svo auðvitað fengu þeir að fylgja mér heim.
BikBok er í nýju uppáhaldi hjá mér. Sérstaklega líka þar sem ég fékk svo æðislega þjónustu þar. Ég hefði viljað versla meira þarna bara af því þjónustan var svo frábær. Ég tók líka eftir því hvað þjónustan er yfir höfuð góð í búðunum í Köben. Það er tekið á móti manni með bros á vör, starfsfólkið sýnir manni áhuga og allir kvöddu með að segja 'Have a nice day!'. Íslenskt starfsfólk mætti alveg taka sér þetta til fyrirmyndar, væri gaman að fá svona viðmót í öllum verslunum.

Annars ætla ég bara að eyða þessum kalda degi í kósýheit. Fagna því að vera komin 25 vikur með því að skella mér í nudd og fara svo og hitta nokkrar sætar janúarbumbulínur í kvöld. Aldrei að vita nema að ég baki smá fyrir kvöldið. Hver veit!

Eigið frábæran fimmtudag!

Instagram @ sarahilmars

Wednesday, October 3, 2012

Anna Dello Russo for H&M

Línan sem Anna Dello Russo hannaði fyrir H&M kemur í búðir á morgun!
Það er svoo mikið af flottu skarti þarna sem ég væri sko alveg til í að eiga.. Bláu eyrnalokkarnir og snákaarmböndin eru í uppáhaldi.
Ætlið þið að reyna að næla ykkur í eitthvað úr línunni?

Instagram @ sarahilmars